Aspiration Training
Triniaeth Gamlas Gwraidd Gywir yn Glinigol mewn VR
Er mwyn i Nyrs Ddeintyddol gymhwyso mae'n rhaid ei harsylwi a'i graddio wrth gwblhau nifer o weithdrefnau gwahanol. Yn anffodus, anaml y daw rhai gweithdrefnau i fyny, sy'n golygu y gellir gwastraffu llawer o amser yn aros i gymryd rhan mewn gweithdrefn benodol.
Gwelodd Aspiration Training gyfle i ddatblygu senario rhith-realiti lle gellir gweld y defnyddiwr yn cwblhau RhCT (Triniaeth Camlas Gwraidd).
Er mwyn i'r defnyddwyr allu cael y profiad rhith-realiti yn ddi-dor, dyluniodd CEMET ddeintyddfa, sy'n gywir i'r hyn y byddai'r nyrsys deintyddol yn ei ddisgwyl. Ochr yn ochr â Aspiration Training, gwnaethom brofi’r senario gyda nyrsys deintyddol i gadarnhau bod yr holl wrthrychau’n teimlo’n gywir a’u bod lle’r oedd disgwyl iddynt fod. Mae hyn i gyd yn adio i ddarparu canlyniad prawf mwy cywir ar gyfer pob defnyddiwr oherwydd bod llai o gamgymeriadau'n cael eu gwneud a llai o amser yn cael ei dreulio yn dod i arfer â defnyddio rhith-realiti.
Gweithdrefn Gywir mewn Amgylchedd VR
Oherwydd bod y senario VR RCT yn cael ei ddefnyddio i arsylwi a graddio'r defnyddiwr a fydd yn effeithio ar ei gymhwyster, mae'n hanfodol bod y weithdrefn lawn mor gywir â phosibl o ran sut y byddai'n cael ei chyflawni mewn gwirionedd.
Gan weithio'n agos gydag ymarferwyr deintyddol, datblygodd CEMET weithdrefn RhCT lawn, brofadwy. Mae hyn yn cynnwys popeth o wisgo PPE, i baratoi'r ystafell yn gywir i gefnogi'r deintydd i gyflawni'r driniaeth.
Defnyddio Realiti Rhithwir ar gyfer Arholiad
Fe wnaethom ymgorffori’r gallu i arsylwr y nyrs ddeintyddol edrych yn ôl ar ddadansoddiad manwl o’r hyn a berfformiodd y defnyddiwr yn gywir ac yn anghywir trwy gydol y senario. Mae gan hyn y fantais ychwanegol bod y senario VR yn cael ei ddefnyddio ar gyfer hyfforddiant, gan ganiatáu i'r nyrs ddeintyddol fynd yn ôl trwy'r weithdrefn gymaint o weithiau ag y dymunant nes ei bod yn gyfarwydd.
I ddysgu mwy am waith diweddaraf Aspiration Training, ewch i’w gwefan .