Zen RS
Defnyddio AI ar gyfer Dadansoddiad Rhwydwaith 3D
Mae ZenRS yn cynnal ymchwiliadau, yn casglu gwybodaeth ac yn darparu cyngor diogelwch ar draws y byd. Maent yn gweithredu o fewn y sector seibr-ddeallusrwydd, gan ddarparu gwybodaeth i fusnesau o bob maint.
Mae rhan o’r cynnig ZenRS yn cynnwys dadansoddiad o weithgarwch cyfryngau cymdeithasol unigolyn, roedd ei feddalwedd gyfredol yn cynrychioli’r rhwydweithiau hyn mewn golwg dau ddimensiwn.
Oherwydd cymhlethdod y wybodaeth a ddangosir o fewn y meddalwedd hwn, roedd yn anodd i'r defnyddiwr ei darllen. Trodd ZenRS at CEMET i ddangos y wybodaeth hon mewn ffordd haws ei defnyddio. Roeddent hefyd yn awyddus i unioni sut mae'r meddalwedd yn graddio ar rwydweithiau mwy.
Aeth ZenRS at CEMET i ddatblygu meddalwedd a fyddai'n arddangos unrhyw nifer o rwydweithiau cyfryngau cymdeithasol mewn golwg 3D. Byddai hyn yn caniatáu i ZenRS gyrchu sawl darn o wybodaeth o fewn rhwydwaith ni waeth pa mor gymhleth ydyw.
Clystyru Grwpiau o Bobl Trwy AI
Mae CEMET hefyd wedi gweithredu algorithmau clystyru sy'n creu grwpiau clir o endidau yn seiliedig ar gysylltiadau, lleoliad, cyflogwr ac addysg. Ar gyfer rhwydweithiau cymhleth mae ZenRS bellach yn gallu hidlo pobl yn ôl nifer y cysylltiadau, gan ganiatáu i'w dadansoddwyr ganolbwyntio ar unigolion sydd â nifer isel o gysylltiadau a gweld yn glir a yw'r bobl hynny wedi'u cysylltu â'i gilydd.
Y Camau Nesaf ar gyfer ZenRS
Mae'r adborth cychwynnol gan eu dadansoddwyr sy'n defnyddio'r feddalwedd yn rheolaidd wedi bod yn gadarnhaol iawn ac mae'r datblygwyr yn ZenRS bellach yn parhau i ddatblygu'r cynnyrch. Mae gweld sawl darn o wybodaeth mewn golwg 3D wedi bod yn effeithlon iawn i'r tîm. Bydd ZenRS nawr yn parhau i gyflwyno'r cynnyrch hwn i randdeiliaid allanol o fewn marchnad arbenigol.
“Datrysodd CEMET ddwy broblem anodd iawn i ni: diffyg gweithlu a gwybodaeth dechnegol. Fe wnaethon nhw ein helpu i ddylunio a pheiriannu un o’n llwyfannau meddalwedd mewn amser cyflym, a greodd ddiddordeb mawr ynom gan gwsmeriaid newydd a phresennol mewn marchnad arbenigol.”